Okugonjoola enkaayana
Mu kitabo kyange ku bufumbo ekisangibwa mu Cathedral Resource Centre, Entebbe Bookshop, Uganda Bookshop nkikozeeko kino ku lupapula 67--75.
Leero ka tulabe engeri gye tuyinza kugonjoola enkaayana ng’abafumbo.
1. Beera ng’omuyizi. Mwembi mujja kuwangula ku nkomerero singa mwembi musobola okuyiga n’okukula ng’oyita mu bumanyirivu. Ekyo kiteeke nga ekigendererwa kyo okuva ku ntandikwa. Kasita omala okukitegeera nti waliwo okusika omuguwa, ekisinga obukulu si kufuula munno kutegeera ndowooza yo, okumumatiza/ ye nti oli mutuufu, oba okuwangula ensonga. Wabula ekikulu kwe kuyiga ekintu eky’omuwendo ekijja okukuyamba okufuuka omuntu Katonda b’ayagala obeere.
2. Wuliriza n’emitima gyammwe. “Okuddamu n’eggonjebwa kukyusa ekuruyi: Naye ekigambo eky’ekkayu kisaanuula obusungu.” (Engero 15: 31). Ojja kutuuka ku kikolo ky’ekizibu era okikolere mangu, singa oyita munno akubuulire ky’awulira, ebyetaago byabwe bye biruwa, engeri gye bandyagadde okuddamu, ne ky’osobola okukola kati okuyamba okugonjoola ekizibu mu ngeri ejja okuba esinga obulungi gye bali. Ekigendererwa kirina okuba okuwuliriza n’obwegendereza, okuwuliriza “ n’amaaso go,” n’okutegeera si bigambo byabwe byokka wabula n’enneewulira z’omwoyo gwabwe. Weewale okukemebwa okuwa eby’okuddamu eby’amangu.
3. Enneewulira zo zikuume nga zifugibwa.
Obusungu tebujja kukola kintu kyonna mu kugonjoola obutakkaanya oba mu kutuyamba okukula, “......Kubanga obusungu bw’omuntu tebukola butuukirivu bwa Katonda.” (Yakobo 1: 20) .
Katonda ayagala tukiteeke ku ffe (Abaefeso 4: 31). Saba okwefuga ku nneewulira zo.
4. Lowooza nga tonnaba kwogera.
Abamu ku ffe tulina emimwa gyaffe mu ntambula nga ebirowoozo byaffe tebinnaba kuli mu ggiya. Era bwe tuba nga tugezaako okugonjoola enjawulo, ekyo kiringa okuyiwa petulooli ku manda agookya. Okusirika okugaziyizibwa kuzimba okusika omuguwa kubanga kutera okutaputibwa ng’obutakkaanya. Naye okusirika okumu kuba kulungi singa tukozesa kitono okulowooza ku bye twagala okwogera n’engeri gye tusaanidde okukyogera. “ Okuddamu n’eggonjebwa kukyusa ekuruyi: Naye ekigambo eky’ekkayu kisaanuula obusungu.” (Ngero 15: 1). Mazima ddala tetwagala kusika busungu bulala nga tugezaako okugonjoola obutakkaanya. Twagala ebigambo byaffe bikkakkane n’okusirisa embeera ejja okutwala ebirowoozo ebimu. Mu kiseera kino eky’Ekisiibo Katonda akuyambe okugonjoola entalo zonna era obeere n’emirembe.
Rev. Samuel Muwonge.
No comments:
Post a Comment